Month: February 2019

कविता कॅफे: मराठी कवितांचे नवे डिजिटल पर्व!

आजच्या तारखेला कविता फक्त मंचावरून, संमेलनातून, किंवा मुशायऱ्यातूनच अनुभवली जाते असे नाही. इंटरनेट आणि स्वाभाविक रित्या सोशल मीडियामुळे कवितेला, काव्यवाचनाला आणि सादरीकरणाला व्हिडियोचे एक वेगळे माध्यम प्राप्त झाले आहे.

A Marathi Digital Poetry Festival

 हिंदी आणि इंग्रजी कवींच्या कविता आपण सतत युट्युबवर तसेच फेसबूकवर पाहतो आणि शेअर सुद्धा करतो. त्याचप्रमाणे आता दर्जेदार मराठी कविताही आपल्याला शेअर करता येणार आहेत. कविता कॅफे ह्या युट्यूब चॅनेलवर 49 कवितांचे चित्रीकरण झाले असून त्याच चॅनेलच्या दुसऱ्या पर्वात 5 प्रतिथयश कवींच्या कवितांचे चित्रीकरण पालघर येथे करण्यात आले आहे.

अशोक नायगावकर, संभाजी भगत, तुकाराम धांडे, चंद्रशेखर सानेकर आणि अरूण म्हात्रे असे ह्या सुप्रसिद्ध कवींच्या कवितांचे अतिशय अनोख्या पद्धतीने कविता लोकांसमोर पहिल्यांदाच येणार आहेत. ह्या पर्वाचा लाँच येत्या 2 मार्च ला रवींद्र नाट्य मंदिरच्या मिनी थिएटर मध्ये दिग्गजांच्या तसंच विविध क्षेत्रातल्या कलावंतांच्या उपस्थिततीत पार पडणार आहे.

संगीत दिग्दर्शक कौशल इनामदार ( बालगंधर्व, येलो, उबंटू आदि चित्रपटांचे संगीतकार) ह्या कार्यक्रमकाचे प्रमुख पाहुणे म्हणून उपस्थित राहणार आहेत. त्याचबरोबर ह्या पर्वातल्या कवींचे काव्यवाचन सुद्धा ह्यादिवशी संपन्न होणार आहे. 

“आपल्या आधीच्या दशकातल्या कवींचे डॉक्युमेंटेशन होणे गरजेचे आहे हे आम्हाला मनापासून वाटते. त्याचप्रमाणे डिजिटलमध्ये मराठी कवितांचे समकालिन व्यासपीठ असणे गरजेचे आहे ह्याची जाणीव आम्हाला होतीच. त्यातून ह्या पर्वाची निर्मिती करण्यात आली आहे,” असे दिग्दर्शक संकेत म्हात्रे ह्यांनी सांगितले. 

“कविता म्हटली की लोकांना क्लिष्ट आणि अवजड वाटते. तिच कविता सध्या, सोप्या आणि सुसज्ज पद्धतीने आम्हाला ह्या उपक्रमातून लोकांपर्यंत पोचवायची आहे,” असे प्रणव पाठक, कविता कॅफेचे निर्माते ह्यांनी सांगितले.

हा कार्यक्रम २ मार्च, शनिवारी, सायंकाळी ४.३०  वाजल्यापासून सुरू होणार असून विनामूल्य असणार आहे.

 दिनांक : २ मार्च २०१९

ठिकाण : रवींद्र नाट्यमंदिर प्रभादेवी , तिसरा मजला मिनी थिएटर

प्रवेश: विनामुल्य



सौजन्य : अंतरा चौघुले

Advertisements

आयुष्यात अनेक संकटांवर मात करून अनेक कठीण प्रसंगांना सामोरं जाऊन त्याने त्याच्या जिद्दीच्या जोरावर खूपमोठं यश प्राप्त केलंय.  जिद्द आणि चिकाटी यांच्या जोरावर आयुष्यात आलेलं शारीरिक अपंगत्व यांच्यावर हसत हसतमात करून त्याने खूप काही कमवलंय. त्याची हि अनोखी संघर्ष गाथा त्याला पीएचडीच्या यशस्वी पायरी पर्यंत घेऊनगेली. “परीक्षित शहा” याने अख्या जगाला दाखवून दिलंय कि कोणत्याही परिस्थितीला सामोर जाऊन  जग जिंकता येतं.परीक्षित ला जन्मतःच शारीरिक अपंगत्व आलंय. पण त्याने त्याच्या इच्छाशक्ती यांच्या जोरावर शिक्षण पूर्ण केलंयआणि आज त्याने पीएचडीच्या प्रवेश परीक्षेत पहिल्याच प्रयत्नात यश प्राप्त करून एक वेगळी ओळख निर्माण केलीआहे. हा प्रेरणादाई प्रवास आपण परीक्षित कडून जाणून घेऊ या….


“परीक्षित शहा” याने अख्या जगाला दाखवून दिलंय कि कोणत्याही परिस्थितीला सामोर जाऊन जग जिंकता येतं. परीक्षित ला जन्मतःच शारीरिक अपंगत्व आलंय. पण त्याने त्याच्या इच्छाशक्ती यांच्या जोरावर शिक्षण पूर्ण केलंय आणि आज त्याने पीएचडीच्या प्रवेश परीक्षेत पहिल्याच प्रयत्नात यश प्राप्त करून एक वेगळी ओळख निर्माण केली आहे. हा प्रेरणादाई प्रवास आपण परीक्षित कडून जाणून घेऊ या….  
मला जन्मापासूनचं Osteogenesis Imperfecta आजार आहे त्यामुळे मला शारीरिक अपंगत्व आलंय. पण मला शिकायचं होतं ही एक मनापासून ईच्छा होतीच की आपण शिकू या आणि काही तरी करूया. मग शिक्षण सुरू झालं ४ वर्ष गुजरात मध्ये प्राथमिक शिक्षण, त्यानंतर वडिलांचं निधन झाल्यानंतर मी पनवेल ला आलो इथून पुढे शिक्षण सुरू राहिलं .

मग त्यानंतर MA इकॉनॉमिक्स साठी ऍडमिशन घेतलं. मुंबई विद्यापीठाच्या पीइटी परीक्षेत पास झालो आणि आता पुन्हा नव्या प्रयत्नशील यशा सोबत पीएचडी ची प्रवेश प्रकिया यशस्वीरीत्या पार केली या सोबतीने सध्या ब्लॉगिंग, डिजिटल मार्केटिंग, बुक review ची कामे सातत्याने चालू आहेत. इथेच नं थांबता मी आणि माझा गुवाहाटी इथला मित्र “चिन्मय शर्मा” दोघे मिळुन डिजिटल मीडियासाठी काम करतोय. संपूर्ण दिवस याचं कामात मन लावून याचं क्षेत्रात काम करण्याचा मानस आहे. तसेच मी ब्लॉगिंग आणि अर्थशास्त्रावर लेख लिहितो. एकदा पीएचडी झाल्यावर मी प्रोफेसर किंवा लेक्चरल या कामाचा विचार करतोय पण सध्या सगळा वेळ हा डिजिटल मार्केटिंग आणि पीएचडीच्या रिसर्च यांच्या कामासाठी वापरतोय. भविष्यात यातचं पुढे काही तरी करण्याचा प्रयत्न आहे. 


या सगळ्यात मला माझ्या आईने आणि वडिलांनी फार सहकार्य केलं.  माझ्या शिक्षणासाठी त्यांनी जवळपास एक वर्षा आधी पासूनच तयारी सुरू केली. जेंव्हा सरकारने मला विशेष परवानगी देण्यासाठी नकार दिला तेव्हा गुजरात हायकोर्टात जाण्याची त्यांची तयारी आणि हिंमत त्यांनी दाखवली. अभ्यासा व्यतिरिक्त पण इतर स्पर्धांमध्ये भाग घ्यायला आई पूर्ण तयारी करून द्यायची. जामनगर आणि पनवेल इथल्या शिक्षणासाठी वि. के. हायस्कूल आणि CKT कोलेज येथील शिक्षक, प्राध्यापक तसेचं इतर लोकांचा खूप सहकार्य लाभलं. 

Parikshit Shah


आम्ही अजून मावशीच्या घरात राहतोय आणि त्या शिवाय मामाचा पण सपोर्ट आहे. १० वी नंतर मीडिया मुळे मी प्रकाश झोतात आलो तेव्हा अनेक लोकांनी मदत केली आज मी जो काही आहे तो सगळ्यांचा पाठिंबा लाभल्यामुळे. मला कधीचं कसली खंत जाणवली नाही. कारण जी परिस्थिती आहे त्यावर मात करून काय करता येईल यावर माझं लक्ष असतं. माझ्या आजूबाजूच्या लोकांकडून नेहमीच सहकार्य मिळतंय. त्यांच्या सहकार्यामुळे इथवर पोहचलो त्यासाठी त्यांचे आभार 

आजवरचा प्रवास हा फार उत्तम आहे. अनेक लोकांकडून खूप काही शिकायला मिळतं. एखाद दुसरा वाईट अनुभव आलाय पण प्रत्येक अनुभव शिकवून जातो. सुरुवातीच्या काळात मी काँग्रेसच्या volunteers ग्रुप मध्ये काम केलं तिथे अनेकांसोबत ओळख झाली. मग बुक review वैगरे करायला सुरुवात केली. दोन पुस्तकांचं अनुवादन केलं. ब्लॉग्स लिहायला लागलो.  लोकांनी पसंती दर्शवली, मार्गदर्शन केलं. मी “बिगबॉस” मधल्या माझ्या आवडत्या स्पर्धकावर ब्लॉग लिहिला त्यांनी ते वाचून त्याला उत्तरं दिली. सध्या राजकीय पक्ष आणि बॉलीवूड मधल्या काही लोकांचं इंटरनेट मार्केटिंगसाठी काम करतो तेंव्हा त्यांना जवळून अनुभवायला मिळतं. त्यांच्याकडून नेहमीच माझ्या कामाला दाद मिळते. माझ्या अनुभवांना आणि कामाला मिळणारा प्रतिसाद यामुळे मी खुपचं खुश आहे.

मराठी इंडस्ट्रीत “पिट्या” या नावाने ओळखले जाणारे रमेश परदेशी..
अनेक हटके भूमिका पार पाडून अभिनयाची शैली जपणारा अभिनेता.. 
अभिनयाच्या सोबतीने फिटनेसची हि आवड जपून फिटनेस फ्रिक राहणारा…

मालिका आणि चित्रपटांतून आपलं मनोरंजन करणारा , प्लॅनेट मराठी चा या आठवड्याचा स्टार ऑफ  द वीक अभिनेता रमेश परदेशी उर्फ “पिट्या” बद्दल जाणून घेऊ या काही खास गोष्टी….

1.नुकत्याच गाजलेल्या “मुळशी पॅटन” मध्ये काम करताना काय अनुभव होता?
   प्रत्येक चित्रपटाचा अनुभव हा अनोखा असतो. मी आणि प्रवीण गेली ४० वर्ष सोबत काम करतोय. हा अनुभव शब्दात व्यक्त करू शकत नाही एवढा समृद्ध करून जाणारा आहे. चित्रपटाचं शूट हे सगळं खऱ्या लोकेशन वर झालंय त्यामुळे मी एक कलाकार म्हणून या चित्रपटाचा भाग होतोच पण creative production ची संपूर्ण जवाबदारी माझ्यावर होती.  हा चित्रपट आणि याचा विषय हे करणं एक टास्क होता. मोहन जोशी, उपेंद्र लिमये यांच्या सोबतच बॉंडिंग आधीपासून मस्त आहे ते यामुळे अजून वाढलं. एक अनोखा टास्क होता हा.. 

Still from “Mulshi Pattern”

2.फिटनेसचं तुमच्या आयुष्यात काहीसं अनोख स्थान आहे त्याबद्दल काय सांगाल?
     आमच्या घरात एक नियम होता तो म्हणजे “व्यायाम” करण्याचा. मी घरात एकटा मुलगा असल्यामुळे आमच्याकडे हा नियम काटेकोर पणे पाळला जायचा आणि जर व्यायाम नाही केला तर जेवायला मिळायचं नाही. म्हणून व्यायाम करण्याची सवय लागली. मला मुळशी पॅटन साठी दीड वर्ष आधी पासून तयारी करायला लागली होती. एक कलाकार म्हणून फिट राहणं फार महत्त्वाचे आहे म्हणून फिटनेस आणि माझं हे नातं अतूट आहे. 

3.इंडस्ट्री मधला जवळचा मित्र किंवा मैत्रीण कोण? 
  अर्थातचं “प्रवीण तरडे”

4.रेगे, देऊळ बंद, किंवा मुळशी पॅटन असो ह्या तिघांमध्ये हि कॉमन फॅक्टर आहेत प्रवीण तरडे.. काय सांगाल ह्याबद्दल? 
    आम्ही लहानपणा पासूनच एकत्र आहोत. त्यामुळे फक्त या तीन चित्रपटासाठी नव्हे तर आयुष्यात प्रवीण तरडे हा प्रत्येक ठिकाणी कॉमन फॅक्टर आहे. त्याचा पहिल्या एकांकिकेचा हिरो मीच होतो. 

5.हिंदीत तुम्ही अजय देवगण सोबत एका दर्जेदार चित्रपटात काम केलं तो अनुभव कसा होता? अनुभव अफलातून होता. अजय देवगण फार स्मित भाषी आहेत. प्रत्येक सहकलाकाराला समजून घेऊन काम करतात. भारी आहेत ते. एखाद्या नव्या व्यक्तीला अगदी छान समजून घेऊन काम करण्याची संधी ते देतात. खूप कमी बोलणारे असले तरी त्यांचा स्वभाव लोकांना भावतो.


6.”उद्गार पुणे” या बद्दल काय सांगाल?
उद्गार पुणे ही मी, प्रवीण तरडे आणि अनिरुद्ध आम्ही तिघांनी उद्गार पुणे ची स्थापना केली. या नाट्य संस्थे अंतर्गत आम्ही अनेक एकांकिका केल्या पुषोत्तम करंडक चा बेस्ट अभिनेत्याचा पुरस्कार मिळवला. सिक्वेन्स हा दोन अंकी प्रयोग केला. तेव्हा सुनील कुलकर्णी हे आमचे गुरू होते त्यांच्या सहकार्यांने खूप काम, अनेक एकांकिका केल्या. अजून एक गोष्ट “उद्गार पुणे” आवर्जून करते ती म्हणजे दर १ जानेवारी ला आम्ही “निर्व्यसनी दिन” साजरा करतो.


7.आजवरच्या अभिनय कारकिर्दीतला खास क्षण कोणता?
     मुळशी पॅटन मध्ये माझा पोलीस स्टेशन मधला एक सीन आहे तो सीन बघून माझ्या वडिलांनी मला फोन केला आणि तू एकदम भारी काम केलं अस सांगितलं. ही कामाची पोचपावती फार खास आणि आठवणी मधली होती. आपल्या कामाचं आपल्या एवढ्या जवळच्या व्यक्तीने कौतुक केलं हा क्षण फार मोलाचा आणि आठवणीतला आहे.


8.”पिट्या” हे नाव कसं पडलं?
 
  मला घरी लहानपणी सगळे पिंट्या म्हणायचे पण मग मित्रांनी या पिंट्या चा पिट्या केला खरंतर आज हे नाव माझी इंडस्ट्री ओळख निर्माण करणार आहे. सगळेच याच नावाने ओळखतात. 


9.सक्रिय राजकारणात येण्याचा काही मानस?     

नाही बिलकुल राजकारणात येण्याचा मानस नाही. पण मला मराठी चित्रपटासाठी काही तरी काम करायला नक्की आवडेल. खासकरून आपल्याकडे निर्मात्यांना अनेक गोष्टी सहन करायला लागतआहेत. निर्मात्याला जगवलं पाहिजे. आपल्याकडे निर्माता जगला तरंच चित्रपट जगेल. 


10.गेले अनेक वर्ष इंडस्ट्री खूप जवळून पाहत आलेला आहेत.. कोणती गोष्ट खटकते?
 
 इंडस्ट्रीत एकच गोष्ट खुपते ती म्हणजे की सगळ्यांनी सगळ्या सह कलाकारांचं कौतुक करावं किंवा त्यांना प्रेरणा दयावी. इथे माझ्या मित्राचा चित्रपट आहे मग मी त्याला शुभेच्छा देईन आणि हा दुसरा मित्र नाही तर याला नाही असं व्हायाला नको. आपल्या मराठीत सगळ्यांना एकमेकांना सहकार्य करावं. एखाद्याचं काम आवडलं तर मनापासून कौतुक करावं इथे उगाचं दुजाभाव करायला नको हीच एक गोष्ट फार मला खुपते. 

प्लॅनेट मराठी तर्फे या उत्कृष्ट कलाकाराला खूप खूप शुभेच्छा!!!

कलात्मकतेने घडलेला डिजाईनर चा प्रवास….
अभिनयातून उमजलेलं अनोखं विश्व…
अभिनेत्री ते फॅशन डिझायनर….

रंगभूमीवरून अभिनयात पदार्पण करून मराठी सोबत हिंदी मालिकांत आपली अशी एक ओळख निर्माण करणारी अभिनेत्री शाल्मली टोळ्ये.

“एक तर्फी प्रेम” या नाटकातून रंगभूमीवर आणि अभिनयात पदार्पण, अवघाची हा संसार हि पहिली मालिका.. हा खेळ सावल्यांचा, या सुखांनो या, या गोजिरवाण्या घरात या काही लक्षवेधी मालिकांतून शाल्मली आपल्या भेटीला आली. दुर्वा या मालिकेतील तिची भूमिका हि सगळ्यांच्याचं आठवणीत राहिली. शाल्मली अभिनयाच्या सोबतीने हल्ली अजून काही भन्नाट करतेय. अभिनयाच्या सोबतीने आपल्या कलागुणांना वाव देण्यासाठी शाल्मली अनेक बड्या सेलिब्रिटी मंडळींसाठी आणि आपल्या मित्र मैत्रिणीसाठी ड्रेस डिझायनर आणि स्टायलिस्ट म्हणून काम करतेय. हा एक अनोखा आणि सुंदर असा प्रवास घडत गेला.तिच्या या नव्या प्रवासाबद्दल आपल्याला काही खास गोष्टी सांगतेय..चला तर मग शाल्मली कडून आपण तिच्या या अनोख्या प्रवासाची गोष्ट जाणून घेऊयात..

१) अभिनय आणि आता डिझायनर हे कसं घडलं ? 

मी गेले १० पेक्षा जास्त वर्ष या क्षेत्रात आहे. मला अभिनयसोबत काही ना काही वेगळं करायचं होत. आपण अश्या फील्ड मध्ये आहोत की इथे कधी हि काही ही घडू शकतं. त्यामुळे मला माझ्यातल्या वेगळे पणाचा शोध घ्यायचा होता. मग मला अभिनयासोबत “कॉस्ट्यूम डिजाईन”  करायला आवडेल असं मला वाटलं. कॉस्ट्यूम डिजाईन करायला मला सगळ्यात जास्त प्रोत्साहन दिलंय ते माझ्या मैत्रिणींनी. माझ्या रूम मेट्स असण्याऱ्या कलाकार मैत्रिणी प्रार्थना बेहेरे आणि स्वप्नाली पाटील. आम्ही एकत्र राहायचो तेव्हा कधी त्यांना पार्टीस आणि चित्रटाच्या प्रीमियर ला जायचं असायचं तेव्हा मला त्यांना नटवायला आवडायचं. त्यांच्या स्टायलिंग ची जवाबदारी तेव्हा मी घ्यायचे. मग तेव्हा त्या दोघी सांगायच्या तू डिझायनिंग कर. तुला छान जमेल हे. मला स्वतःला शॉपिंग भयंकर आवडत. सोबतीने लोंकाना नट वायला आवडतं. मग तेव्हा कुठेतरी असं वाटलं कि आपल्यासाठी हा जॉब बेस्ट आहे. आपल्याला हे करायला नक्कीच आवडेल म्हणून मी अभिनयाच्या सोबतीने डिझायनिंग चा विचार केला. जेव्हा मी “देवा शप्पथ” मालिका करत होते तेव्हा मी कॉस्ट्यूम डिजाईनर म्हणून मी एक चित्रपट केला होता. पहिलाचं एवढा मोठा प्रोजेक्ट आणि ती सुद्धा फिल्म त्यामुळे माझ्या बहिणीने मला यात साथ दिली. पहिला अनुभव एवढा कमाल होता. लवकरचं ती फिल्म येईल आणि जेव्हा मी हे आमच्या सिरीयल च्या निर्मात्यां अपर्णा केतकर यांना सांगितलं तेव्हा त्यांना फार आनंद झाला. तेव्हा त्यांनी सांगितली कि तुझा ड्रेसिंग सेन्स मला खूप आवडतो. आमची एक नवी मालिका येतेय तर त्या साठी तू कॉस्ट्यूम डिजाईन करशील का? मी पटकन हो म्हंटल. हा एक नवा अनुभव होता मी त्या मालिकेसाठी कॉस्ट्यूम डिजाईन केले. यासाठी मी प्रार्थना बेहेरे, अपर्णा ताई, अभिषेक जावकर या सगळ्यांचे फार धन्यवाद! माझ्यावर विश्वास दाखवला. 

२) आवडता डिझायनर?


या फील्ड मध्ये खूप डिझायनर आवडतात असा कोणी एक नाही आहे. रोहित बाल, मसाबा आवडते कारण तिचं  कलेक्शन फार मस्तयं आणि सुनीत वर्मा यांच्या सोबतीने विक्रम फडणीस असे अनेक डिझायनर मला फार आवडतात. प्रत्येक डिझायनर कडून खूप शिकण्यासारखं असत.

 
३) तू नुकतंच एका मालिकेसाठी डिझायनर म्हणून काम केलंस.. तो अनुभव कसा होता?


नुकतंच “तुला पाहते रे” साठी डिझायनर म्हणून काम करण्याची संधी मिळाली हा अनुभव खूपच मस्त होता. अनेक गोष्टी शिकायला मिळाल्या. अनेक नवे लूक्स करायला मिळाले तर मला त्यात दोन वर्ग दाखवायचे होते श्रीमंत आणि गरीब तर याना अनुसरून काम करणं माझ्यासाठी चॅलेंजिंग होत. हि एक फार मोठी प्रक्रिया असते. अनेकांची मत घेऊन, कलाकारांचे लूक्स लक्षात घेऊन डिजाइन करायचे असतात  पण सगळ्यांची उत्तम सोबत लाभली आणि हे काम पार पडलं. जेव्हा “विकिशा” च्या लग्नाचा सीन होता तेव्हा मी फक्त यासाठी स्टायलिंग केलं, कोण काय कपडे घालणार ते केशरचना कशी असेल, दागिने काय आणि कोणते घालणार.

सोबत थीम होती एक शाही विवाह सोहळा होणार होता याची तयारी आम्ही गेले दिड महिना करत होतो. त्यामुळे माझ्यासाठी हा एक अफलातून अनुभव होता आणि कामाच्या शेवटी चॅनेल आणि निर्माता जेव्हा आपलं कौतुक करतात तेव्हा आपल्यलाला कामाची पोचपावती मिळते. एक खास अनुभव आणि मी करत असलेलं काम हे एकदम बरोबर आहे याच एक समाधान आहे. या क्षेत्रात मी नवखी असून अनेकांनी माझ्या कामावर जो विश्वास दाखवला हे सर्वस्व आहे. इथे अजून छान छान काम करायला मिळो हीच इच्छा आहे.

४) डिझायनर म्हणून काम करताना कोणत्या महत्वाच्या गोष्टी मनात असतात?


    हल्ली प्रत्येक जण सोशल मीडिया वर सेलिब्रिटीना फॉलो करतात. अनेक डिझायनर आहेत त्यांच कला कौशल्य प्रत्येक जण या सोशल मिडीया वर अनुभवत असतो बघत असतो. खूप नवे ब्रॅण्ड्स आहेत ते आज इथून लोकांपर्यंत पोहचतात. तर माझ्यासाठी इथे अनेक गोष्टी चॅलेंजिग आहेत कि आपण दुसऱ्या सारखं सुद्धा काम करू नये. कोणाची स्टाईल कॉपी नाही झाली पाहिजे. हे फार कठीण आहे कि प्रत्येक गोष्टीत विविधता दिसली पाहिजे. आपण सगळ्यात कसं वेगळं पण दिसलं पाहिजे यासाठी काही कल्पकता वापरावी लागते म्हणून कामात वेगळेपणा आणण्यासाठी फार गोष्टी या एकमेकांशी जुळवून बघायला लागतात आणि आपल्या कौशल्यांची इथे ताकद कायम वापरावी लागते.

५) कामात काय वेगळेपण आणण्याचा प्रयत्न असतो?


     आपल्या प्रत्येक कामात वेगळेपणा कायम असायला हवा हि फार महत्वाची गोष्ट आहे. एक डिझायनर म्हणून काम करताना नेहमीच कल्पकता वापरता आली पाहिजे. आपली अशी एक स्टाईल निर्माण करावी, आपण जिथे काम करतोय त्या बद्दल अनेक वेगळ्या गोष्टींची माहिती जमा करावी. कोणाला तरी डिझायनर म्हणून काम करताना मदत करा या मदतीतून अनेक गोष्टींचा उलगडा होतो. डिझायनर म्हणून काम करताना संदर्भ आणि यांच्या सोबतीने अनेक गोष्टी न्याहाळता यायला हव्यात. प्रत्येक लुक चा अभ्यास करावा लागतो. कामाशी प्रामाणिक राहून आणि कामाचा अनोख्या तऱ्हेने अभ्यास करून कामात विविधता आणली पाहिजे. 

६) भविष्यात स्वतःच बुटीक काढण्याचा काही संकल्प? 


भविष्यात मला माझं असं स्वतःच बुटीक चालू करायला नक्कीच आवडेल मी आणि माझी बहीण या गोष्टीचा विचार देखील करतोय. थोडा वेळ या गोष्टीसाठी लागणार आहे पण नक्कीच स्वतःच बुटीक चालू करणार. माझ्या बुटीक मध्ये भारतीय गोष्टीना प्राधान्य देण्याचा माझा नेहमीच प्रयत्न असेल. गावा गावात जाऊन तिथल्या गोष्टी गोळा करायला आणि तिथली संस्कृती माझ्या डिजाईन च्या माध्यमातून लोकांपर्यंत घेऊन यायला खूप आवडेल. भारतीय संस्कृतीच्या कला माझ्या बुटीक मध्ये असतील. नक्कीच माझा असा एक वेगळा टच त्यांना असेल मग त्या डिझायनर साड्या, दागिने, बॅग्स यांना आपली अशी एक पारंपरिक झालर लावून या गोष्टी माझ्या बुटीक मध्ये ठेवेन. 

७) या सगळ्यात तुला प्रोत्साहन देणारी व्यक्ती कोण? 


प्रार्थना बेहेरे, स्वप्नाली पाटील, गिरीजा ओक, श्रुजा प्रभुदेसाई, सीमा देशमुख आणि हृता दुर्गुळे या सगळ्या मैत्रिणींची हक्काची साथ मला आजवर लाभली आहे. त्या नेहमीच मला प्रोत्साहित करत असतात. त्यामुळे या सगळ्यांचा माझ्या या नव्या वाटचालीत हक्काचा वाटा आहे .

हाराष्ट्रीयन संस्कृती आणि जेवणाचा थाट आणि अस्सल चव तुम्हाला अनुभवायची असेल तर हा लेख नक्की वाचा..
आपल्या महाराष्ट्राची खाद्य संस्कृती आणि परंपरा जपण्याचा अनोखा प्रयत्न अनोख्या ठिकाणी केला जातोय. नवी मुंबई मधे असलेल्या या हॉटेल मध्ये जेवणाची पारंपरिक पद्धत थाटात पार पडतेय.. “राजमान्य” या हॉटेल मध्ये हा जेवणाचा अनोखा उत्सव साजरा केला जातो. आम्ही इथल्या काही खास पदार्थांबद्दल जाणून घेतलंय….


    नवी मुंबईतील वाशी इथे असलेलं हे “राजमान्य ” !

नवी मुंबईतील वाशी इथे असलेलं हे “राजमान्य” खव्ययेगिरी करणाऱ्या लोकांना आपल्या महाराष्ट्रीयन जेवणाचा आस्वाद घेण्यासाठी हे हॉटेल स्थापन करण्यात आलंय. आपल्याकडे असलेली खाद्य संस्कृती आणि पारंपारिक पदार्थांची अस्सल चव इथे चाखायला मिळतेय.  आपल्या समृद्ध आणि विविध पारंपारिक पदार्थांचा ठेवा जपण्यासाठी हा अनोखा थाट इथे मांडला गेला आहे.      येणाऱ्या प्रत्येक खवय्याच् अगदी मराठमोळ्या तुतारीने स्वागत करून त्याचं आदरातिथ्य केलं जातं. कदाचित हाच राजमान्य चा अनोखा थाट आहे असं म्हणायला हरकत नाही. 
     “थाट जेवणाचा , महाराष्ट्र संस्कृतीचा” ही अनोखी संकल्पना आपल्या समोर घेऊन आलेयत “राजमान्य” हॉटेल… 
इथे तुम्हाला अनेक अस्सल आणि पारंपरिक पदार्थ चाखायला मिळतात. कोल्हापुरी, कोंकणी, तुळजापूरी, पुणेरी, नागपुरी, कोळी, आगरी आणि मालवणी अश्या महाराष्ट्रातील विविध खाद्य संस्कृतीचे पदार्थ एकाच ठिकाणी खायला मिळतात.

नुकताचं इथे “थाळी महोत्सव” अगदी उत्साहात पार पडला. थाळी महोत्सवात अनेक थाळीचा साज होता यात नागपुरी (सावजी थाळी), कोल्हापुरी, पुणेरी, महाराष्ट्रीयन, एवढ्या थाळींची चव अनुभवायला मिळाली.

सावजी चिकन-मटण, सूप, तांबडा रस्सा, पांढरा रस्सा, तुळजापूरी झणझणीत चिकन-मटण, कोंकणी मासे, मालवणी स्पेशल कोंबडी वडे, सोलकढी आणि बरंच काही अशी एकदम पारंपरिक चव इथे आल्यावर अनुभवयाला मिळते


नुसतं नाव ऐकून तोंडाला पाणी सुटेल एवढया पदार्थांची रेलचेल इथे आहे. पुरणपोळी आणि कटाची आमटी, भात आणि कुरडई हा अस्सल मेनू सुद्धा इथे चाखायला मिळतो.. आणि तुम्हाला इथे एवढी विविधता मिळते की मेनू कार्ड बघून आपण चक्रावून जातो. गोडाला खास आणि हटके पुरणपोळी, मोदक, तिळगुळ पान, आईस्क्रीम सुद्धा खायला मिळतं.

शाकाहारी आणि मांसाहारी खाणाऱ्यांना “राजमान्य” ही एक पर्वणी आहे. तुम्ही सुद्धा तुमच्या जिभेचे चोचले पुरवायला आणि या अनोख्या मेजवानीचा आस्वाद घ्यालाय इथे नक्की जाच्…!!!!! 

सौजन्य : नेहा कदम (प्लॅनेट मराठी)

नाटकातून अभिनय क्षेत्रात पदार्पण करून बहुरुपी भूमिका साकारणारे “निलेश दिवेकर”आमच्या या आठवड्याचे स्टार ऑफ द वीक आहेत

नाटक, मालिका, जाहिरात आणि चित्रपट हा अनोखा प्रवास ते अजून सुद्धा तेवढ्याच सहजतेने पार पाडत आहेत.. अनेक छोट्या पण लक्षवेधी भूमिका चोख पणे करण्याची शैली निलेश यांच्या कडे आहे. आशुतोष गोवारीकर, राजकुमार हिराणी, महेश मांजरेकर , अमोल गुप्ते, अभिजित पानसे, अश्या बड्या दिग्दर्शकांसोबत तसेच बिग बी अमिताभ बच्चन, अजय देवगण, संजय दत्त, सतीश शाह, स्मृती इराणी, शेखर सुमन, गोविंदा, सोनाली बेंद्रे ते आता बहुचर्चित ठाकरे सिनेमा निमित्ताने नवाझुद्दीन सिद्दीकी अश्या बॉलिवूड स्टार्स सोबत काम करण्याची संधी यांना मिळाली आणि त्यांनी संधीच सोन करून अनेक कमालीच्या भूमिका साकारल्या… “स्टार ऑफ द वीक” च्या निमित्ताने आम्ही त्यांच्याबद्दल अधिक जाणून घेण्याचा प्रयत्न केला..


१. तुमच्या पार्श्वभूमी बद्दल काय सांगाल?
   हा प्रवास अजून सुद्धा चालूच आहे. अभिनयाची पार्श्वभूमी सांगायची झाली तर दुसरीत असल्यापासून मी नाटक करायला सुरुवात केली. शाळेत असताना बालनाट्य करायला सुरुवात केली इथून अभिनयाची आवड निर्माण झाली.  नाटक हा माझा आवडीचा विषय होता मग कॉलेज सुद्धा असंच शोधायचं होतं की जिथे ही नाट्य चळवळ सुरू राहील मग रुईया मध्ये ऍडमिशन घेतलं. रुईया नाट्यवलंय अनेक एकांकिका केल्या. नाटक आणि माझं नात रूढ झालं. अगदी कोणतीही भूमिका करायचो. मग इंटर कॉलेज साठी नाटक, एकांकिका केल्या. अश्यात आयनटी, उन्मेश, सवाई या स्पर्धा साठी एकांकिका करण्याची संधी मिळाली. “सती” एकांकिकेसाठी अनेक पारितोषिक मिळवली. तेव्हा एवढा आनंद व्हायचा की ते क्षण आज सुद्धा पटकन आठवतात. नाट्यदर्पण पटकावला तेव्हा मिळालेलं अवॉर्डस फिल्मफेयर सारखे वाटायचे. मग नाटकाच्या सोबतीने प्रवास सुरु झाला अश्यात राजन वाघदारे यांच्या कडून एका हिंदी मालिकेसाठी ऑडिशन साठी बोलवण्यात आलं. तेव्हा मी ८०० एपिसोड केले हिंदी मालिकेसाठी. जवळपास १००० एपिसोड एकंदरीत हिंदी मालिकांसाठी केले. मग रुईया नाक्यावर महेश मांजरेकर यांच्या सोबत भेट झाली आम्ही दोघांनी एकत्र काम केलं वास्तव मध्ये. या काळात अनेक काम मिळत गेली आणि यातून शिकून, काम करून आज इथवर पोहचलो आहे. 

२. अभिनयातील पहिलं पदार्पण? 

  नाटक चालूच होत पण खऱ्या अर्थाने “अंधायुद्ध” हिंदी फिल्म केली तेव्हा अगदी छोटा रोल होता पण तेव्हा हिंदी फिल्म्स मध्ये काम करणं एवढं मोठं वाटायचं की त्याच अप्रूप होत ही पहिली फिल्म केली नाना पाटेकरांसोबत काम करायला मिळाल. मग वास्तव, फेरारी की सवारी, अश्या अनेक फिल्म्स करत गेलो. 

३. मराठी आणि बॉलिवूड इंडस्ट्रीत काम करताना काय वेगळेपण जाणवतं?    हिंदीत ना एक “स्टार पॉवर” आहे जी आपल्या मराठीत नाही आहे. मराठीत काम करण्याचा अनुभव नक्कीच छान आहे पण हिंदीत काम करताना सुद्धा अनेक अनुभव येतात.  आपल्याकडे एखादा चित्रपट जेव्हा टेलिव्हिजन वर येतो तेव्हा आपल्याला त्याची कहाणी समजते आणि अस होत अरे हा चित्रपट किती भारी आहे, हा चालायला हवा होता वगैरे वगैरे.. हिंदीत एखादा तगडा कलाकार असेल तर तो चित्रपट हिट होतो आणि चालू राहतो. मराठी प्रेक्षक वर्ग सुजाण आहे ते प्रत्येक गोष्ट बारकाईने बघतात. मराठी चित्रपट हा खूप लोकांपर्यंत पोहचत नाही याचं दुःख वाटतं. आपल्याकडे होणार प्लॅंनिंग थोडं चुकतंय. मराठीच मार्केट छोट आहे. ग्रँड लेवल ला काम करणारे चित्रपट कमी आहेत. वेगळेणा हा प्रत्येक ठिकाणी असतोच. आपल्या मराठीत एखाद्या चित्रपटावर फार कमी लोक मेहनत घेऊन काम करतात तर हा वेगळेपणा नक्कीच जाणवतो.


४. यापूढे कुठली अशी खास भूमिका करायचं स्वप्न आहे?   

मला जेम्स बॉण्ड करायला नक्की आवडेल. प्रत्येक भूमिका ही फार पटकन येते आणि आपल्याकडून ती घडून जाते. आपण विचार सुद्धा करू शकत नाही की कधी कधी ही भूमिका आपल्याला करायला मिळेल पण ती येते आणि आपल्याकडून घडून जाते. मला जेम्स बॉण्ड फार आवडतो त्यामुळे मला त्याची भूमिका साकारायला नक्की आवडेल.


५. अभिनयाच्या सोबतीने आवडणारी अशी एक खास गोष्ट?    मला अनेक गोष्टी करायला आवडतात. क्रिकेट, बॅटमिंटन खेळायला फार आवडतात. पण खास गोष्ट अशी की मला स्कुबा डायविंग करायला आणि पाण्याखालचं ते अनोखं विश्व अनुभवायला आवडतं. जशी संधी मिळते तश्या मी तमाम गोष्टी करतो. 

   ६. वास्तव मधला खरा संजु बाबा अर्थात संजय दत्त आणि संजु मधला संजु बाबाची भुमिका साकारणारा रणबीर कपूर या दोघांपैकी काम करताना जास्त कोण भावलं?
    मुळात दोन लोकांची तुलना कधीच होऊ शकत नाही.  प्रत्येकाचा स्वभाव अनोखा असतो. दृष्टी वेगळी असते त्यामुळे दोघही फार बेस्ट आहेत.  संजय दत्त मित्र आहे त्यामुळे तो माणूस म्हणून देखील तेवढा उत्तम आहे. संजू ची भूमिका “रणबीर” पेक्षा कोणीच उत्तम करू शकल नसतं. संजूच्या भूमिकेला रणबीर ने खूप योग्य रित्या पार पाडलंय. तो एकदम परफेक्ट होता त्यामुळे या दोन्ही व्यक्ती मस्त आहेत. रील आणि रियल आयुष्यात हे दोघे हिरो आहेत.


७. आज वर तुमच्या चित्रपटसृष्टीतील करीअर बद्दल समाधान आहे का?   

एक अभिनेता म्हणून अभिनेता कधीच समाधानी नसतो. त्याला दरवेळी नवं काही तरी करायचं असतं. अभिनेता हा शेवटचा श्वासापर्यंत अभिनेता म्हणून जगत असतो. नेहमीच कष्ट करून कामं केली की कामाचं समाधान मिळत.  कॅडल मार्च या चित्रपटाच्या चित्रकारणीच्या वेळी शूट करताना तब्येत बिघडली तेव्हा हॉस्पिटलमध्ये दाखल झालो पण थोडा आराम करून कामावर रुजू झालो आणि चित्रकरण संपवलं. चित्रपट रिलीज झाला त्यानंतर त्या चित्रपटातील माझ्या भूमिकेसाठी पुरस्कार मिळाला तेंव्हा कामाचं समाधान प्राप्त झालं. हा किस्सा आयुष्यभर लक्षात राहणारा आहे. असे अनुभव कामाला ऊर्जा देणारे असतात. पण कामाच्या बाबतीत कलाकारांने कधीच समाधानी होऊ नये त्याने नेहमीच नवीन काहीतरी करायला हवं.


८. एकूणच इंडस्ट्री मधील खुपणारी गोष्ट किंवा खंत? 

  इंडस्ट्रीत अनेक गोष्टीत चांगले वाईट अनुभव येत असतात. खंत या गोष्टीची आहे की अनेक गोष्टींची पूर्वयोजना नसते.  कधी कधी आपल्या भावनिक गोष्टी यांच्या आड येतात. इथे प्रत्येकाने दिलेल्या शब्दाची जाण ठेवून काम करावं असच वाटतं.

   
९. हक्काचा जवळचा व्यक्ती? 

खूप आहेत कोणाएकाचं नाव घेऊन चालणार नाही. आपल्याला घडवणारी अनेक लोकं असतात. माझा मित्रपरिवार एवढा मोठा आहे की प्रत्येक व्यक्ती ही जवळची आहे. 

प्लॅनेट मराठी तर्फे निलेश दिवेकर यांना अनेक शुभेच्छा !!!

Who requires a Valentines Day to celebrate LOVE? Isn’t celebrating love only for a day in a year a big misery, when the heart is ready to overflow with emotions and wishes to express feelings through minute moments of life?

What a strange emotion this is which can create ripples in the silent ocean of heart until the resonance reaches another shore to make the person realize! We have heard stories of classic and unique love since childhood, whether in our folk tales , about Laila Majnu, Heer Ranjha, Sohni Mahiwal or in classic epical literature depicting stories of Romeo and Juliet or even the divine connection of Shams and Rumi , to the ethereal love of Radha and Krishna. Every story expresses a facet of this beautiful emotion, the power of love.

Rising above the materialistic pleasures to walk beside you I yearned through dense forests or deserts where feet burnt Oh ! I wished nothing but your presence in my heart For ages I breathed your name Come! Hold my hand for rest of the sojourn. -Soumya

While love is invisible and cannot be seen, it is as vital as the air that we breathe! It is the most purest expression of a human or any living being. Even the animals have a way of expressing their love and affection towards their owners or other animals. The one bond that holds universally same for all in this world is love.

It is love that can make us rise above the mean mindedness, the shallowness of our being and the discrimination of one human from another. It is this force which can wipe the strongest hatred and negative feeling into something very beautiful and pure.

The famous greatest poet Pablo Neruda who wrote in Spanish said,

” When I die I want your hands on my eyes:
I want the light and the wheat of your beloved hands
to pass their freshness over me one more time
to feel the smoothness that changed my destiny. I want you to live while I wait for you, asleep,
I want for your ears to go on hearing the wind,
for you to smell the sea that we loved together
and for you to go on walking the sand where we walked”

Source: https://www.familyfriendpoems.com/poem/when-i-die-i-want-your-hands-on-my-eyes-by-pablo-neruda

And this exquisite and selfless feeling of love is well expressed by many artists in their own ways,sometimes through writings, sometimes through their own expressions and form of art. Dancers, musicians, painters, writers, sculptors all have since time immemorial tried to leverage the word of love in their art. Whether through religion or through scriptures, every path that speaks of god and the supreme force speaks of love as the universal factor and step of moving towards transcendence.

Being human is what is the most important aspect of life and spreading the fragrance of love in family, amongst friends, in society , between people, in nations is the only way towards a peaceful society.

While this universal love is often spoken about, love in hearts of the young and old , that rules the day of Valentine and so rules the king of flowers, ROSE as the mighty being.

Pic Credit: PLANET MARATHI

Let us celebrate and end the day with the famous song of Stevie Wonder that echoes in every heart till today:

I just called to say I love you”..

Design by Pranjal Kadkade

हल्ली कुठलाही कलाकार हा त्याच्या फॅशन वरून फार जास्त ओळखला जातो. त्याच्या फॅशनची चर्चा सगळीकडे सुरूच असते. पण त्यांच्या एवढ्या हटके फॅशन लुक मागे त्यांच्या अनेक फॅशन डिझायनर्सची मेहनत असते. प्रत्येक कलाकाराला एवढं कूल, बोल्ड आणि अनोखा लुक देऊन त्यांचे ड्रेसिंग करण्यात फॅशन डिझायनरचा मोलाचा वाटा असतो. लग्न, किंवा अनेक अवॉर्डस समारंभ.  प्रत्येक कलाकार हा कसा आणि कोणत्या प्रकारे छान दिसू शकतो, त्यांना कुठल्या रंगांचे कसे कपडे छान उठून दिसू शकतात या सगळ्याचा विचार करून हे ड्रेस डिजाईन केले जातात. 
     मराठी सिनेइंडस्ट्रीत सुद्धा असेचं काही तरुण, नवखे डिझायनर अनेक कलाकारांच्या फॅशन डिझायनरची जवाबदारी लिलया पार पाडतात.


     मराठी सिनेइंडस्ट्रीत अनेक कलाकारांची फॅशन डिझायनर अशी जिची ओळख आहे अशी शिवानी पाटील..

सिद्धार्थ चांदेकर, स्वप्नील जोशी, गौरी नलावडे, अमेय वाघ, संस्कृती बालगुडे, मृणाल ठाकूर, अमृता खानविलकर, या सारख्या कित्येक बड्या सेलेब्रिटीची ही हक्काची डिझायनर आहे.

Siddharth Chandekar
Designed by Shivani Patil

प्रत्येक कलाकारांला हटके आणि अनोखा लुक देण्याचा शिवानी नेहमीच प्रयत्न करते. शिवानी तिच्या या अनोख्या प्रवासा बद्दल सांगताना बोलते “गेली तीन वर्षे मी अनेक व्यक्तींसोबत इंडस्ट्रीत काम करतेय. हा प्रवास कमालीचा सुंदर आहे. इथे अनेक नव्या गोष्टी शिकायला मिळतात. प्रत्येक व्यक्तींसोबत काम करताना त्यातुन नव्या गोष्टी उलगडत जातात. मी नेहमीच माझ्या रीतीने काहीतरी अनोखं देण्याचा प्रयत्न करत असते. ट्रेंड्स नुसार प्रत्येक ड्रेस डिजाईन करणं हा एक टास्क असतो त्यात अनेक कलाकार आपल्यावर विश्वास ठेवतात मग त्यामुळे काम करताना ते बेस्ट व्हायला हवं याकडे माझा कल असतो”

शिवानी पाटील सारख्या अनेक डिझाईनर आपल्या मराठी इंडस्ट्रीत आहे यातली एक “तृषाला नायक” जाणून घेऊ या तिच्या बद्दल..


   आपल्या सगळ्यांची लाडकी फुलपाखरू फेम अभिनेत्री हृता दुर्गुळे, सायली संजीव, गायत्री दातार, मिताली मयेकर, ललित प्रभाकर आणि नुकतंच प्रार्थना बेहरे या सगळ्या कलाकार मंडळी च्या सोबतीने अनेकांना अगदी आखीव रेखीव आणि कूल, थोडं पारंपरिक टच देऊन आपल्या कामात विविधता घेऊन तृषाला नायक ही सगळ्यांसाठी फॅशन डिझायनिंग करतेय. तृषाला ही तरुण डिझाईनर तिच्या स्टायलिंगचे किस्से सांगताना म्हणते “स्टायलिंग खरंतर फार सोप्पं आणि पटकन होणार काम वाटत पण ते खरंच फार कठीण आहे. कामापेक्षा आपल्यावर जवाबदारी आणि आपण कोणत्यातऱ्हेने समोरच्याला आपलं काम समजावून सांगतो आहोत यावर खूप गोष्टी अवलंबून असतात. स्टायलिंग करताना नेहमीच नव्या गोष्टी शिकायला मिळतात. नवे लुक्स ट्राय करायला मिळतात आणि मग यामुळे आपल्याला कामातील कुशलता समजत जाते. भन्नाट आणि अनोखं काय करावं हे स्टायलिंग मूळे समजतं. यामुळे अनेक कलाकारांच्या सोबतीने त्यांची आवड निवड जपत त्यांना काय छान दिसेल किंवा त्यांना कोणत्या इव्हेंट्स साठी कपडे डिजाईन करायचे आहेत यासाठी विचार करावा लागतो आणि हे काम करण्यात   आनंद आहे म्हणून माझ्यासाठी हे काम बेस्ट आहे”


    मराठी सिने इंडस्ट्री सोबत अनेक दिग्गज व्यक्तींच्या ड्रेसिंग डिजाईन करण्याची संधी जिला मिळाली अश्या “प्रांजल कडकडे” आपल्या कामाबद्दल आपल्याला सांगतात काही खास गोष्टी…

Designed by Trushala Nayak

लोकांच्या जीवनातला  स्टाईल हा अविभाज्य घटक असतो. स्टाईलला थोडं वेगळ्या शैलीत उभारण्याचं काम करतेय प्रांजल कडकडे. पारंपरिक, स्टायलिश, फंकी, मोहक असे कपडे डिजाईन करण्यात हीचा मोलाचा वाटा आहे. उर्मिला कोठारे, सोनम कपूर, सुयश टिळक, गोविंदा, उमेश कामत, निखिल राजशिर्के, तेजश्री प्रधान, मनीष पॉल, अभिजीत खांडकेकर, अश्या अनेक सेलेब्रिटी मंडळींसाठी हिने आजवर फॅशन डिजाईनर म्हणून काम केलंय. सोबतीने आज प्रांजल चा स्वतःचा फॅशन ब्रँड आहे या बद्दल ती सांगते “गेली पाच वर्षे मी हे काम सत्यत्याने करतेय ‘प्रांजल कडकडे’ हा ब्रँड होण माझं स्वप्न होत ते पूर्ण झालंय याचा आनंद आहे. या एवढ्या वर्षात मी खूप काही शिकले आहे जवळपास १० फॅशन शो केले. ओळखी वाढत जाऊन मराठी, हिंदी, पंजाबी कलाकारांसाठी डिजाईन करायला सुरुवात झाली लोकांच्या विश्वासातुन आज हे काम अगदी लिलया होतंय यात सुख आहे” 


     शिवानी पाटील, तृषाला नायक आणि प्रांजल कडकडे यांच्या सारख्या तरुण फॅशन डिजाईनर आपल्याकडे आहेत. यांच्या कामातली विविधता आणि कामाचे अनोखे पैलू आपल्याला त्यांच्या कामातुन पाहायला मिळतात. या पुढे सुद्धा यांच्या कामाची जादू आपल्याला बघायला मिळेल आणि या तिघी अशीच त्यांच्या कामात भरभराट करत राहतील. त्यांच्या पुढील वाटचाली साठी त्यांना प्लॅनेट मराठी कडून मनःपूर्वक शुभेच्छा.. 

Amruta Khanvilkar
Designed by : Shivani Patil

नाटक, चित्रपट ते मालिकांमधून उल्लेखनीय कामगिरी… 
बालकलाकार ते हरहुन्नरी अभिनेता… 
मराठी बिग बॉस मधला अनोखा खेळाडू….
दुनियादारी ते क्लासमेट चित्रपटवारी….
अभिनय ते राजकारण…. 
मी नथुराम गोडसे बोलतोय, बहुरूपी पुलं, नाट्यकलाकारी..
.

STAR OF THE WEEK -5

स्वागत करू या आठवड्याच्या
 प्लेनेट स्टार ऑफ़ द वीक चा
सुशांत शेलार

  1. लहानपणा पासूनचं या क्षेत्रात आहेस तर काय वेगळा अनुभव आहे?
       आपली आवड ज्या क्षेत्रात आहे तिथे काम करून करियर घडवणं हे प्रत्येकाच स्वप्न असत. मला ही संधी मिळाली आवडीच्या क्षेत्रात काम करायला मिळतंय यातच सगळं सुख आहे. आवड हे करियर होणं आणि त्यातच सात्यत्याने नव्या प्रकारे काम करत राहणं ही फार भाग्याची गोष्ट आहे. 
    2. नाटक, मालिका आणि चित्रपट या सगळ्या माध्यमातून कामं केली आहेस तर काय वेगळपण आहे कामाचं? सर्वात आवडतं माध्यम? 
        तिन्ही माध्यम आवडीची आहेत. प्रत्येक माध्यम हे वेगळं आहे. कारण मालिका, चित्रपट आणि नाटक या सगळ्याच माध्यमाचा प्रेक्षकवर्ग  वेगळा असतो. कामाची पद्धत वेगळी असते हे वेगळेपण अनुभवायला मिळतंय. लोकांची प्रत्येक कामासाठी मिळणारी दाद आणि प्रतिसाद हा खूप मोलाचा असतो. चित्रपट हा अजरामर असतो तो कित्येक वर्ष आपल्याकडे टिकून राहतो. नाटक हे माध्यम वेगळं आहे कारण नाटक दरवेळी वेगळं भासतं. नाटक हे एक असलं त्याचे खूप प्रयोग झाले तरी प्रत्येक प्रयोग हा नवखा असतो. नाटक हा एक लाइव्ह अनुभव असतो आपल्या डोळ्यासमोर काही तरी घडतंय आणि आपण ते पाहतोय म्हणून नाटकाचा प्रत्येक प्रयोग हा यासाठी अनोखा असतो. तिन्ही माध्यमातून काम करणं सुद्धा तेवढच मस्त आहे. 
    3.नव्या नाटका विषयी काय सांगशील?
         मला या नाटकात विनोदी भूमिका करायला मिळाली आहे तर ही एक अभिनयाची वेगळी बाजू लोकांना समजते आहे. मी विनोदी भूमिका सुद्धा करतो हे या निमित्ताने लोकांना समजलंय. प्रत्येक वेळी नाटकात काम करण्याचा, लोकांच्या अनेक प्रतिक्रिया येतात. नाटक संपल्या वर ही दाद आणि पोचपावती अनोखी असते. 

 4. बिग बॉस मराठी या रिऍलिटी शो चा अनुभव कसा होता?

   खूप भन्नाट अनुभव होता.  मी या आधी कधी बिगबॉस पाहिलं नव्हतं. गेलो खेळलो पण मी मध्येच गेम सोडून आलो याच फार वाईट वाटलं. 


5. इंडस्ट्रीत आवडणारी व्यक्ती किंवा बेस्ट फ्रेंड? 
   खूप आहेत असं एका कोणाचं नाव सांगणं कठीण आहे . अंकुश चौधरी, जितेंद्र जोशी आणि संजय जाधव हे तिघे फार जवळचे मित्र आहेत. 

6. अभिनयाच्या सोबतीने एखादी अशी गोष्ट जी फार जवळची आहे?
शिवसेना ( राजकारण ) 


7. इंडस्ट्रीत ड्रीम वर्क कोणासोबत करायचं? 
   इंडस्ट्रीत ड्रीम वर्क अमिताभ बच्चन सरांसोबत करायचं. 
8. भविष्यात निर्माता तसेच दिग्दर्शक होण्याचा काही मानस? 
     मी या आधीच निर्मिती क्षेत्रात पदार्पण केलंय लवकरचं दिग्दर्शन सुद्धा करेन. 


9. एक अनुभवी कलाकार ह्या कलावंत ह्या नात्याने अभिनय क्षेत्रात येऊ इच्छिणाऱ्या होतकरू कलावंतांना काय सांगशील?
   ही इंडस्ट्री फार मोठी आणि अनुभवी लोकांनी समृद्ध अशी आहे इथे येण्याचं अनेकांच स्वप्न असतं त्यांना एवढचं सांगेन की खूप जास्त सिरीयस होऊन काम करा. हल्ली कोणालाही वाटत की आपण कलाकार होऊ पण इथे कष्ट करून नाव कमावत येत त्यामुळे सगळ्या गोष्टीचा सारासार विचार करून इथे यावं एवढचं सांगेन. 


10. सक्रिय राजकारणात प्रवेश करावासा वाटतो का? आणि केल्यास कोणत्या पदावर विराजमान व्हायला आवडेल?
    आधीच राजकारणात प्रवेश झाला आहे. माझ्यासाठी पद महत्त्वाचं नाही. मी चित्रपट आणि नाट्य परिषेदेच्या मंडळात आहे त्यामुळे लोकांना मला मदत करायला आवडते. राजकारण करण्यापेक्षा समाजकाराण करायला आवडेल. लोकांना माझ्या कामातून मदत व्हावी हीच इच्छा आहे.

काळा घोडा @२०
   मुंबईत दरवर्षी जिथे कलांचा उत्सव साजरा केला जातो अश्या “काळा घोडा फेस्टिवल” ला येत्या २ फेब्रुवारी पासून सुरु होत आहे. १९९९ पासून या अनोख्या कलात्मक फेस्टिवलची मुहूर्तमेढ रोवली गेली. हा जरी कलाकृती आणि कलाकारी कलंदरी व्यक्तीचा उत्सव असला तरी इथे अनेक अफलातुन गोष्टी बघायला मिळतात. सगळेचं कलाकारी लोक या फेस्टिवल ची आतुरतेने वाट बघत असतात. यंदा या फेस्टिवलचं विसावं वर्ष आहे. या फेस्टिवल मध्ये व्हिजुयल आर्टस्, डान्स, संगीत, नाटक, चित्रपट, साहित्य यांच्या सोबतीने विविध इव्हेंट्स ची हि लगबग इथे तुम्हाला अनुभवायला मिळणार आहे. २ ते १० फेब्रुवारी दरम्यान हा फेस्टिवल रंगणार असून तुमच्या अनेक कलागुणांना वाव देण्यासाठी हा फेस्टिव्हल एक पर्वणी ठरणार आहे.

credit: kalaghodafestival

या वर्षी महात्मा गांधी यांची १५० वी जयंती आहे त्यांनी देशासाठी जे योगदान दिलंय त्याला या फेस्टिवल मधून मानवंदना देण्यात येणार आहे. अनेक नव्या गोष्टींचा संगम इथे बघायला मिळतोच पण आपल्याला खूप गोष्टी या फेस्टिव्हल दरम्यान शिकायला मिळणार आहेत. लहानांपासून मोठ्यांपर्यंत सगळ्यांचचं लक्ष वेधून घेणाऱ्या या फेस्टिवल मध्ये यंदाचं विसाव्व वर्ष अगदी दणक्यात साजरं केलं जाणार आहे. कलांचा अनोखा उत्सव असलेल्या या फेस्टिवल ची सगळ्यांना उत्सुकता आहे .

२० वर्षांचं हे सेलिब्रेशन कोणत्या प्रकारे साजर केलं जाणार आहे हे बघू या… कलिनरी डीलाइट्स, डॉक्यूमेन्ट्री स्क्रिनिंग,  द मॅजिक ऑफ फ्लूट ( पद्मविभूषण पंडित हरिप्रसाद चौरसिया यांचं खास  बासरीवादन ) , द नॅशनल हिरोज, गेट सेट ड्रोन, साहित्य, टच अ कार्ड, हिट द डान्स फ्लोर, हेरिटेज वॉक, खूप सारे कलात्मक स्टॉल आणि भन्नाट खरेदी…


१ ) अ ट्रीट फॉर द मूवी ( enthusiast ) इनथुझिएस्टीक :  “तुंबाड” आणि “बधाई हो” सिनेमाच्या कास्ट आणि टीम सोबत गप्पा रंगणार आहेत. 

pc: kalaghodafestival

२ ) पीपल कॉल्ड काला घोडा : काळा घोडा असोशियन तर्फे द पीपल्स प्लेस प्रोजेक्ट्स सह पुस्तकाचा प्रकाशन सोहळा. फेस्टिवलचा वीस वर्षाचा इतिहास यातून उलगडणार आहे. 

३ ) डान्स इट  आऊट : पाश्चिमात्य ते भारतीय शास्त्रीय नृत्य यांचे फ्युजन या मध्ये सादर होणार आहे.

४ ) हेरिटेज वॉक : मुंबई मधली अनेक हेरिटेज ठिकाणं यातून लोकांना दाखवली जाणार आहेत.

५ ) टू डिकेड्स ऑफ मूवीज : या वर्षी वीस वर्ष पूर्ण करत असलेले सिनेमाचं स्पेशल स्क्रीनिंग या फेस्टिव्हल मध्ये केलं जाणार आहे.

६ ) फँटसी लेखन शाळा : तुम्हाला लिहिण्याची आवड असल्यास ही कार्यशाळा तुमच्या लेखन कौशल्य लोकांसमोर घेऊन येण्यासाठी उत्तम संधी आहे. छोटी आणि काही तरी वेगळी फँटसी स्टोरी यात लिहायची आहे.
  अश्या प्रकारे यंदाच्या काळा घोडा फेस्टिव्हल मध्ये अनेक भन्नाट कार्यशाळा, इव्हेंट्स ची लगबग आणि शॉपिंग प्रेमींसाठी खरेदीची रेलचेल इथे तुम्हाला अनुभवायला मिळणार आहे. तुम्ही सुद्धा या कलात्मक “काळा घोडा फेस्टिवल” ला नक्की भेट द्या.

pc: kalaghodafestival